Námskeið í boði hjá Faxaból

Reiðnámskeið .

Hvert námskeið stendur yfir í tvær vikur, frá mánudegi til föstudags. Kennt er frá 9-12 eða 13-16. Reiðskólinn sér um að útvega öryggishjálma, reiðtygi og góða hesta, hver nemandi fær að prófa sem flesta hesta meðan á námskeiðinu stendur til að geta öðlast meiri öryggi og þekkingu í hestamennskunni. 

Kennslan skiptist í verklega og bóklega kennslu. Nemendur eru beðnir um taka með sér létt nesti og klæða sig eftir veðri. Nemendum er skipt í hópa eftir getu og þekkingu og fá allir kennslu við sitt hæfi. Námskeiðin eru ætluð börnum á grunnskólaaldri. Hóparnir skiptast í 4 getustig eins og hér segir:

Byrjendahópur

Er fyrir þá sem hafa litla eða enga reynslu af hestum.
Í þessum hópi læra börnin undirstöðuatriði í umgengni við hesta og reiðmennsku
ásamt því að læra ásetu og stjórnun.

Framhald 1

Er fyrir þá sem hafa farið einu sinni á námskeið eða hafa aðra þekkingu af hestum. Nemendur eiga að vera búnir að læra undirstöðu atriði í reiðmensku, lögð er áhersla á ásetu, stjórnun og jafnvægi, en einnig er farið í skemmtilega reiðtúra.

Framhald 2

Er fyrir þá sem hafa farið á tvö eða fleiri námskeið mikil áhersla er lögð á ásetu og stjórnun.
Farið er í langa reiðtúra á námskeiðinu svo nemandinn verður að vera vel undirbúinn.

Framhald 3

Er fyrir þá sem hafa komið 3-4 sinnum eða oftar á námskeið eða eiga jafnvel hest.
Áhersla er lögð á að nemandi geti farið að sjá um sinn hest sjálfur með lítilli hjálp frá kennara einnig
verður farið í og langa og skemmtilega reiðtúra.

Haustnámskeið .

Haustnámskeið

Haustnámskeið í hestamennsku 25. ágúst til 27. október 2020. Á námskeiðinu ætlum við að kynnast fjölmörgum þáttum hestamennskunnar, svo sem umhirðu, umgengni, ásetu og taumhaldi. Við kynnumst hestunum, gerum æfingar og förum í skemmtilega útreiðartúra.
 
Boðið er upp á tvö getustig:
  • Folaldahópur: fyrir byrjendur og þau sem eru aðeins komin af stað í hestamennsku (sambærilegt við framhaldi 1 og 2). Kennsla fer fram í hesthúsi, gerði og útreiðtúrum.
  • Trippahópur: nemendur þurfa að geta lagt á sjálfir og farið í langa og skemmtilega útreiðartúra í alls konar veðri. Kennsla fer fram í hesthúsi, gerði og útreiðartúrum.

Skráning hér

Fullorðinsnámskeið .

Vertu Klár í Hnakkinn

Reiðskólinn Faxaból býður upp á nýjung í ár, reiðnámskeið fyrir fullorðna, haustið 2020 í samvinnu við Íslenska Hestinn. Á námskeiðinu ætlum við að kynnast fjölmörgum þáttum hestamennskunnar, svo sem umhirðu, umgengni, ásetu og taumhaldi. Við kynnumst hestunum, gerum æfingar og förum í skemmtilega útreiðartúra og reynum á samband manns og hests. 

Skráning hér

Útreiðanámskeið .

hestur2trans

Útreiðahópur

Boðið verður upp á útreiðahópa fyrir vel vana nemendur. Allir nemendur fá sinn hest og allir dagar nýttir til langra útreiðatúra þannig að nemendur ríða frá Faxabóli og taka með sér nestið til að borða á áningarstöðum. Við Víðidalinn eru margar fallegar útreiðaleiðir og munum við njóta náttúrunnar úr alfaraleið og félagsskapar skemmtilegra reiðfélaga og hesta.

Share on facebook
Facebook
Share on email
Tölvupóstur