Kennarar Faxabóls

Þóra Þrastardóttir

Stofnandi Faxabóls

Þóra er stofnandi Reiðskólans Faxabóls og hefur starfrækt hann frá árinu 2000.
Þóra hefur stundað hestamennsku frá barnæsku og tekið virkan þátt í heimi hestamennskunnar ásamt fjölskyldunni.
Þóra á farsælan keppnisferil að baki en síðustu ár hefur henni þótt skemmtilegast að fylgja krökkunum sínum eftir í keppninni með góðum árangri.
Hún hefur áralanga reynslu af kennslu og umsjón með barna- og unglingastarfi. Hún elur reiðskólahestana allt árið um kring auk þess að stunda hrossarækt. Þóra hefur yfirumsjón með starfsemi Faxabóls og er tengiliður foreldra og forráðamanna við reiðskólann ásamt Ellý og Rúnu dætrum sínum.

Ellý Tómasdóttir

Ellý hefur starfað í Faxabóli frá því skólinn var stofnaður árið 2000. Fyrstu árin var hún aðstoðarmaður foreldra sinna sem þá ráku skólann, en síðustu ár hefur hún verið hægri hönd móður sinnar og starfað sem leiðbeinandi og umsjónarmaður skólans.
Öll árin hefur hún tekið þátt í þróun hans og skipulagningu.
Hún útskrifaðist með BA í sálfræði vorið 2017 og stundar nú meistaranám í mannauðsstjórnun.
Ellý hefur stundað hestamennskuna frá unga aldri og var virkur keppandi á mótum með góðum árangri í barna og unglingaflokkum. Í dag finnst henni skemmtilegast að ríða út með strákunum sínum, eiginmanni og fjölskyldunni, í sveitinni.

Rúna Tómasdóttir

Rúna er dóttir Þóru og því ein af Faxabólsfjölskyldunni og hefur alist upp í kringum hestana.
Hún sýndi strax gríðarlegan áhuga á hestum og þá var gott að eiga trausta hesta sem hún gat leikið sér á.
4ra ára var hún farin að ríða út með fjölskyldunni og tók virkan þátt í hestamennskunni. Síðan hefur hún þjálfað hestana sína og fyrir aðra með góðum árangri. Rúna á að baki marga glæsta sigra í íþróttinni náð langt á Landsmótum og Íslandsmótum ásamt því að vera margfaldur Reykjavíkurmeistari. Rúna er með stúdentspróf frá Menntaskólanum við Sund og stefnir á háskólanám í haust.
Í sumar hlakkar hún til að hitta nýja krakka og deila kunnáttu sinni með þeim og dreifa hestaáhuganum áfram með þeim.

Share on facebook
Facebook
Share on google
Google+
Share on twitter
Twitter
Share on linkedin
LinkedIn
Share on email
Tölvupóstur
×
×

Cart